Caminando con Jesús

Comenza o mes de maio, mes de María. Esta vez quero deixarvos neste rincón de oración unha canción a María, porque como dixo Santo Agostiño “quen canta ora dúas veces”. Seredes quen de aprendela?

Clica na imaxe para facer as actividades e coñecer un pouco máis á Virxe María

Mamá, mami, mamita, nai, naiciña… son distintos xeitos de chamar a mamá. Pero a nai é soamentes unha; verdade? Do mesmo xeito a Virxe María e soamentes unha: a nai de Xesús. Pero os cristiáns coñecémola por diferentes nomes. Estes xeitos de chamar a María denomínase ADVOCACIÓNS.

Hai diferentes advocacións de María:

• Advocacións que nos recordan algúns momentos da súa vida: Natividade, Anunciación, Visitación…
• Advocacións sobre a fe dos cristiáns en María: Nai de Deus, Inmaculada Concepción, Asunción…
• Advocacións que nos recordan as axudas que recibimos dela: Amparo, Auxiliadora, Perpetuo Socorro, Esperanza…
• Advocacións que se refiren ó nome do lugar onde se venera: Fátima, Lourdes, Montserrat, Covadonga, Carmen (do Monte Carmelo)…
• Advocacións que se refiren ó sitio onde apareceu: Pilar, Barca, Cova, Mar, Camiño…

Tendo esto en conta ides facer un pequeno traballo de investigación: tendes que indagar na vosa parroquia que imaxe hai da Virxe e cubrir unha ficha onde figure:

1. o nome da parroquia onde está
2. nome da Virxe e tipo de advocación que é
3. que día se lle fai festa
4. en que lugar do templo está situada
5. finalmente, quedades un rato con ela e escribides un pequeno comentario sobre que impresión vos dou, que vos chamou a atención… e calquera cousa que queirades contar…

Recordade que lle podedes pedir axuda ó cura para que vos sinale onde está a Virxe e seguro que vos pode contar algunha cousa interesante para completar o voso traballo. Sorte a todos/as.

Xa para rematar, podedes imprimir e colorar algunhas imaxes de María neste enlace

Escoitamos e aprendemos a canción María, María.

Respondemos o seguinte cuestionario:

1. A canción comenza comparando a vida cunha voda triste. A que voda cres que fai referencia? Compróbao en Xn 2, 1-11
2. Por que esa voda é triste? Como podemos facer nós para que sexa alegre?
3. Quen fai que todo se converta en festa?
4. A quen temos que dar vida e amor? Como podemos facelo? Pon exemplos.
5. Acordámonos de María e Xesús soamentes nos momentos tristes? Cando te acordas ti de María? E de Xesús?

Este video é unha homenaxe ás nais, que sempre están ahí animando e axudando. Sen elas non seríamos o que somos. Con moito amor:

A Igrexa é como unha gran familia formada por todos os bautizados e dirixida polo Papa o os bispos.
Xesús fundou a Igrexa cando formou o grupo dos doce apóstolos e estes recibiron o Espírito Santo.

A vida dos primeiros cristiáns está contada no libro dos Feitos dos apóstolos.

A oración é un modo de relacionarnos con Deus.

Os Evanxeos  fálanos de que Xesús oraba con frecuencia, tanto en público como en privado. E ensinoulles ós seus discípulos a facer o mesmo. Pero como facelo? Na parábola do fariseo e o publicano (Lc 18, 9-14) contrapón dúas actitudes.

QUEN DOS DOUS SAÍU DO TEMPLO RECONCILIADO CON DEUS?

Xesús resucitado aparécese ós apóstolos, pero Tomás non cre sen ver.

Podes ler o relato completo en Xn 20, 19-31

Aquí están as fotos do mural que fixeron os alumnos de 2º ciclo sobre a Semana Santa e Pascua.

Comenzouno 3º A e colaboraron tamén os compañeiros de 4º curso.

NORABOA A TODOS POR TAN BO TRABALLO.

Clica na imaxe para ver como foi a última semana de Xesús na terra.